У рамках першай гадавой задачы па фарміраванні ўяўленняў у дзяцей аб традыцыях Беларусі, выхаванні ў дзяцей патрыятычных пачуццяў шляхам стварэння кароткачасовых адукацыйных праектаў у рознаўзроставай групе дзяржаўнай установы адукацыі “Сольскі дзіцячы сад” ажыццяўляецца мастацка-эстэтычны праект “Чароўны свет беларускай народнай творчасці”.  З мэтай развіцця ўмення разважаць і рабіць высновы падчас разгляду экспанатаў і азнаямлення з умовамі сялянскага побыту, прыладамі працы, вырабамі (ткацтва,  вышыўкі, ганчарства, саломапляцення) выхаванцы наведалі этнаграфічны куток “Беларуская хатка”. Пад беларускія народныя мелодыі выхаванцы змаглі дакрануцца  да мінулага нашых продкаў, пагулялі ў рухомыя гульні “Гарлачык”, “Грушка”, пазнаёміліся з беларускімі народнымі прыказкамі, загадкамі. У заключэнні выхаванцы выканалі творчае заданне і намалявалі цацку-свістульку.