У рамках кароткачасовага праекта "Чароўны свет беларускай народнай творчасці", з мэтай далучэння дзяцей да крыніц народнай спадчыны, у рознаўзроставай групе Сольскага дзіцячага сада адбылося знаёмства выхаванцаў з адным з відаў народнага рамяства - выцінанкай. Праз мастацкае слова, гутарку, знаёмства з майстрамі , разгляданне чароўных узораў, гульні, выцінанка непрыкметна ўвяла ў дзіўны свет мастацтва. Адчуць увесь каларыт гэтага рамяства выхаванцы змаглі ствараючы самастойна нескладаныя ўзоры.
  Развіваючы і удасканальваючы нацыянальныя рамёствы, нашы дзеці становяцца пераемнікамі традыцый.