ЧАРОЎНЫЯ РУЧКІ

Мэта: развіццё творчых здольнасцяў і духоўна - маральных якасцей асобы шляхам далучэння выхаванцаў да вытокаў і традыцый дэкаратыўна - прыкладной творчасці; фарміраванне патрэбнасці ў творчай самарэалізацыі сродкамі дэкаратыўна - прыкладной творчасці.

Задачы:

фарміраваць уменні і навыкі па напрамках дзейнасці (аплікацыя, фітадызайн, дэкаратыўнае маляванне, пластылінаграфія і да т. п.);

развіваць фантазію, вобразнае, асацыятыўнае і лагічнае мысленне, творчую актыўнасць і самастойнасць;

выхоўваць працавітасць, творчую ініцыятыву, спагадлівасць на мастацкую выдумку, беражлівыя адносіны да традыцыйнай народнай культуры, любоў да прыроды.

Дзіця навучыцца працаваць з рознымі матэрыяламі (кардон, каляровая папера, кавалачкі скуры, тканіны, Дробная фурнітура, непрыдатны матэрыял, прыродны матэрыял) і рабіць арыгінальныя вырабы і сувеніры. Кожнае дзіця можа знайсці сваё арыгінальнае рашэнне ў выкананні працы, выказаць сваю індывідуальнасць.

ГАВАРУНЧЫКІ

Мэта: фарміраванне навыкаў авалодання нормамі і правіламі мовы, яе камунікатыўнымі функцыямі, падрыхтоўка да навучання грамаце.

Задачы:

вучыць перадаваць свае ўражанні аб падзеях навакольнай рэчаіснасці, у лагічнай паслядоўнасці пераказваць змест мастацкіх твораў (невялікага зместу), складаць апавяданні розных напрамкаў;

фарміраваць матывацыю да самастойнага маўлення, практычнага авалодання нормамі маўлення; узбагачаць слоўнікавы запас выхаванцаў праз пашырэнне ведаў пра навакольны свет;

развіваць актыўнае маўленне ў розных відах дзейнасці, навыкі свабодных зносін з дарослымі і аднагодкамі;

прывіваць цікавасць да літаратуры і чытання;

выхоўваць культуру зносін і камунікатыўныя навыкі выхаванцаў;

спрыяць фарміраванню творчага мыслення выхаванцаў.

УМКА

Мэта-стварэнне ўмоў для авалодання выхаванцамі сістэмай матэматычных ведаў, пазнавальных уменняў і навыкаў, фарміравання на гэтай аснове светапогляду, маральных і іншых якасцей асобы, развіцця яе творчых здольнасцяў.

Задачы: набыццё канкрэтных матэматычных ведаў, неабходных для прымянення ў практычнай дзейнасці, для вывучэння сумежных дысцыплін, для працягу адукацыі; інтэлектуальнае развіццё навучэнцаў, фарміраванне якасцяў мыслення, характэрных для матэматычнай дзейнасці і неабходных чалавеку для паўнавартаснага жыцця ў грамадстве; фарміраванне ўяўленняў аб ідэях і метадах матэматыкі, аб матэматыцы як форме апісання і метадзе пазнання рэчаіснасці; фарміраванне ўяўленняў аб матэматыцы як частцы агульначалавечай культуры, аб значнасці матэматыкі ў развіцці чалавечай цывілізацыі і сучаснага грамадства; выхаванне ўстойлівай цікавасці да вывучэння матэматыкі.

ЭКАЛЯТЫ

Мэта: фарміраванне пачатковай экалагічнай культуры з дапамогай гульнявой дзейнасці.

Задачы:

для выхаванцаў 4-5 гадоў:

фарміраваць сістэму ведаў аб жывой і нежывой прыродзе, заканамернасцях яе развіцця ў адпаведнасці з узростам дзяцей;

пашырыць веды выхаванцаў у галіне прыроды і экалогіі;

развіваць уменне прымяняць атрыманыя веды ў паўсядзённым жыцці;

даць ўяўленні аб нормах, правілах паводзін у прыродзе і ўзаемадзеянні з ёй;

развіваць цікавасць да аб’ектаў і з’яў прыроды, да характэрных праяў жывой і нежывой прыроды ў розныя сезоны, да патрэбаў раслін, жывёл, чалавека.